6.ஸ{ந்து3ர் க4ல்லந் கெ2நி

(வித்3யாத4ரர் கா3மு ரீ: ஒண்டெ தீ4ருடு3 தெக3 ப்ரேமி ஸெந்தொ புகா3ர் நக3ரிக் இந்து3ருகெ3 ஸெந்நு ஸாத்தக் அவஸ். த்யேவேள் மாத3வி நசெ வியார் வித3ம் நாசுந் தெக3 ப்ரேமிக் ஸவடி3 ஸொந்தோஷ் பொடெ3ஸ். தீ ஸெந்நு முஸெ கெ4டிம் கோவலந் மாத3வி ஸெந்தொ ரூஸ் அல்லத்தக்கிந் மாத3வி தெக3 ரூஸ் திர்சி செரி ஸொம்பு பொந்தி3ஸ். ப2ல்லொ ஸமுத்3ருக் ஜி பு4ட3த்தக் ஆஸ்தொபொடி3 தீ3தெநு ஜியாஸ். ஸொம்பும் பி3ஜ்ஜி ஹொதெ3 ஜெநுல்நுந் ஸெரொ தெநுமௌ;ளி மிள்வயி லயிஞ்சி ஸொம்புகந் ஹிந்த்3யாஸ் மெநஸ்தெ இவர்நுந் யெமொ ஸங்க3ரியொ)

ருப்பா தெக3ட் பெர்ப்பய ஸொக3ந் ஹிந்நா அத்3ரி ரா:ந் விஸ்தார் ஹொயெ ஹிமயகி3ரி ஸெஜ்ஜ ரா:ந் விஸ்தார் ஹொயெ மொ:ட்ட நக3ரி வித்3யாத4ர். த்யே நக3ரிமு மய் கெ3ளத்திஸொ பூ2லுந் பு2லயி ரா:ந் வநிம்ää களொ ம:ளி ஸொக3ந் லாம்க தொ3ள ஹிந்தெ3 தெக ப்ரேமி ஸெந்தொ செரி நுகி3 காமுடு3க் ஜொம3;ந் க4லி ஸிநி ஹோங்கு3ம் லயிஞ்சி ரி:யெ ஒண்டெ வித்4யாத4ர தீ4ருடு3.

தெநொ தெக ப்ரேமி ஜொவள் மெநஸ{… “ஹிந்தொ3 தெஷிண் பு2ட3ர் ஸெஜ்ஜரா:ந் உச்லாவ் பொ4ரெ புகா3ர் பட்ணமு இந்து3ருக் ஸெந்நு கெர்நார் ஜெ2ண்டா3வ் செவ்ட3ந் சொக்கட் தி3ந்நு. தே3வாதிதே3வர்நுக்ää அஸ{ருர்நு வெது3ர்செடி3 ஜ2க3ட் கெரந்வேள் முஸ{கு3;ந்தந் மெநந் ரஜொ அஸ{ருநு ஸெந்தொ மல்லி ஜெயம் பொந்தி3 இந்து3ருக் கபடெ3ஸ். அஸ{ருநு எக3தோ2க்செடி3 ஹிப்3ப3ந் முஸ{நா நஸிநம் ஹொய்யாஸ். 

ப2ல்சொ தெங்க3 மொந்நும் விரோத்3 தொ2வ்லி த்யே ஹொடி3 ஒட்டுகந் செடி3 முஸ{குந்த3நுக் வைரிகää ஹந்தா3ர் கெரந் பா3ண் ஒண்டெ தெக3 மாயஸக்திஹோர் செட்3வஸ். த்யே வஞ்சநொ நஸிநம் கெரத்தக் மொ:ட்ட பூ4த் ஒண்டெகொ இந்து3ரு முஸ{குந்தநுக் ரஷண கெரஸ்தக் த4ட்3டி3யெஸ். தெல்லெ பூ4த் அவி த்யே ஹந்தா3ர் ஜவடெ3ஸ். ப2ல்லொ ஸோள குலமுக் பா3த்3யம் ஹொயெ புகா3ர் பட்ணமு கொ2ப்3பி3ம் ரஷண கெரஸ்தக் தேதா2முஸ் ரி:யெஸ். தெக பொ3லி தே3ந் தீ3ஸங்கி3டி3 மௌ;ளி அமி ஸியெந்.

முல்லொ இந்து3ரு லோக்3 கப3டி3தி3யெஹால் தெக3 விஸ்வாஸ் களட3த்த ஸொக3ந் தே3வர்நு ரஜாக் தி3யெயொ க2ள்ளி ஸோளராடு3ந் தோ2ர் ஸ{ட்டுநா தீ3லியவந் ஸிங்கா3ர் பொ4ரெ விஸேஷ் ஹொயெ ஸெத்து3ஸெந்தொ நிள்சி;ரா:த்திஸொ ஹொயெ பாஞ்ச்வித3 ஸபா4ந்கிந் தெக3செரெ கெ4நமுந் ஸீ களய்லியெங்க.

தீ காலும் இந்து3ரு லோகு3ர் அக3த்திய முநிந் அவெத்தெ2ப்3ப3 ஸ்வாக3தம் கெரந்விதுரமு ஊர்வஸி நாச்நஸிஸ். த்யேவேள் நாரது3முநி லயிஞ்சி ஸங்கீ3த் ஸ{கா4நுப4வும் தே3த்திஸொ தம்பு3ர் மிட்டி க3வந் கீ3த்கிந்ää ஸிங்க3தி பெ3ட்கிந் க3வந் க3வ்நிகிந்ää ஸஸர் தொ3ளொ ரா:ந் இந்து3ருகெ காந் யோக்தி3 அஸ்கொ பொ4ரி ரி:யெஸ். த்யேவேள் ஊர்வஸி நசந் முஸ{நாஸ்தக் இந்து3ரு பெ3டொ ஜெயந்தநு ஸிங்கா3ரும் மெங்கி3 ஜீஸ். தெக3ஹால் நாரது3 தம்பு3ர் மெளி அமங்க3லு பொந்தெ3ஸ். தெக3ஹால்ää எநொ பு4லகு3ர் ஜி மெநிகு ஜெலும்க2ள்ளி பெ3ட்கிகந் உஜந்த3க் மெநி ஸப3ம் க2ள்ளிய ஊர்வஸிää மாத3வி மெநந் நாவும் பொ4தி3ரிந் குலமு நாசளிகந் பு4லகு3ர் உஜஸ். தெகதோ2ரும் அவி உஜெ ஸாப்ஸொக3ந் கேட் தொ2வ்லி நசந் மாத3வி மெநந் ஒண்டெ பெ3ட்கி நசய். தெக நாசுந் மௌ;ளி ஸியெங்க3ந் மெநி மெநஸ். லொ:வ ஜெத்துஹொயெ ஹோட்கிந்ää ம:ஜார் நா:ந்ஹொயெ கேட் ஸேத்தெ தெக ப்ரேமி ஜொவள் ஈயஸ்கி ஸீதி தே3வர்நு பதி இந்து3ருக் நம்லியவெந் மெநி மெநஸ்.

வித்4யாத4ர கா3மு ரீ: விஞ்ஜையந் மெநந் தீ4ருடு3தெக3 ப்ரேமிக் பொ3ல்லி புகா3ர்பட்ணமு அவரியொ. வாடும் உஞ்சாம் தோத் ஸங்க3ந் முஸ{நா ஹிமயகி3ரிகிந்ää பநி பொ4ரி த4மந் உச்லாவு ஹொயெ உஜ்யநி நக3ரிää விந்தியகி3ரிக் சுட்டுரா:ந் வநாந்தி3ரம்கிந்ää வெடேஸ்புரு வாஸம்கெரந் வெங்கட3கி3ரி அங்கு3ந்ää பீக் வேந் ஹொயெஹால் தொ2வ்லத்தக் தா2முந் பு2ர்நாத்தக் ரா:ந் காவேரி உஸிளி த4மந் சோளதே3ஷ். த்யேட் ஸேத்தெ புகா3ர் பட்ணமு அவந் வாடும் ஈயஸ்கி தெக3 ப்ரேமிக் தெ3க்கடெ3ஸ். ப2ல்சொ பூ2லுந் பு2லி ரா:ந் வநும் ஸேத்தெ புகா3ர்பட்ணமு ப2ய்ல ஸங்கெ3 வக3தா4நுக் தீ3ஸங்கி3டி3 பூ4த்ää பாஞ்சவித3 ஸபொ3ää இந்து3ரு த4வ்ரொ ஈயஸ்கி ஸிலேத் அவஸ{ந். தீ3தெநு செரி த்யேட் ரா:ந் தெ3ய்வுநுக் நம்ஸியாஸ். நமெ ப2ல்லொ உத்சலாவு ரி:யெ முல்லா நக3ரி ஹொயெ புகா3ர் பட்ணமு சலந் ஸொந்தோஷ் ஹொயெ இந்து3ரு ஸெந்நு மெளி தெக3 ப்ரேமி ஸெந்தொ ஸீலியவஸ்.

தூ3து ஸ{ந்து3ரும் ஸயநமு ரா:ந் ரெங்கநாது3க்கிந்ää ப்3ராஹ்மணää ராஜ்யää வநிää க்ருஷி மெநந் சார்விது3 வருண பூ4துக் நம்ஸிலி கீ3துந் க3விää திள ஜீவுந் காந்திஹொயெ ஸிள்ளாக் கு3ண்ணு ஹொநொ மெநஸ்தெ அபி3லாஷெ ஸெந்தொ அகாஸ{ம் ஜி2ர்கிஜாந் சாந்து3க் ஸீ க3வி மாத3வி ஹரும்ப3ம்கெரந் நாசு ஸா!

அஸ{ருர்நு திரிபுரம் ஜளி அம்கொ பால்நொ கெர்நொ மெநி தே3வது3ல்நுந் மெல்லியதா4நுää ஹ{ளாபா3ண் ஸொடி3 திரிபுரம் ஜளெ மேட்ஹொயெ ஸிவுடு3ää ஜெயம் பொந்தெ3 ஸொந்தோஷ{ம் பை4ரவி த4ரீர் ஹொயெ ஹ{ந்நா வநாந்த்3ரு மெநந் ருத்3ரபு4ஞி;ம் பார்வதிக் ஒண்டெ போகு3ர் தொ2வ்லி ந:ந்நகந முகுலஸொ அஸிதெ3க்கடி3 ஹாத்தெட்டி ஹிப்3பி3லி நசெ கொடுகொட்டி மெநந் நாச் மாத3வி நசரித்தெ ஸா!

ரெத்து ஸொம்மர் ஹிப்3பெ3 ஸாரதிää சார்தோண்டு3 ப்3ரம்மொ ஸாஸ்திஸொ த்யே பை4ரவி ரூபும் ஆங்க3ஸ்கொ பி3கி3த் லவ்லிய ஸிவுடு3 க2ளெ பாண்ட3ரங்க நாசு மாத3வி க2ளரித்தெ ஸா! 

கம்ஸநு வஞ்சநொ ஜெகி3ஞ்சந் ஹட்விலி அகாஷ்வநி கீஷ்டு நசெ நாசும் ஹைஸ்து ஸொண்டி மொடி3 ஸொந்தோஷ{ம் நசெ நாசும் யோக்ஹொயெ அல்லிகு3ம்பு மெநந் நாசுமெளி ஸா!

வாணாஸ{ருடு3 ஸெந்தொ மாத3வொ மல்லி ஜீக3; ஹொயெ நாசு கு3ஸ்திகா2ள். த்யே கு3ஸ்திநாசு மாத3வி நசரிஸ் ஸா!

மஹாஸமுத்3ரு லாடு3ந் த4ரீர் ஸொக3ந் தொ2வ்லி தெமொ ஹிப்3பி3 தெக தோ2க்;செடி3 ஹிப்3பெ3 ஸ_ரபத்மந் மெநந் அஸ{ருடு3 ஜீக் பொந்தெ3 முருகந் நசெ பு3டு3பு3டு3 நாசுமெளி மாத3வி நசரிஸ் ஸா!

அஸ{ருடு3ந் ஸைந்யம் தெங்கலத்தொ ரா:ந் ஜ2க3டய்து3நுந் கா2ல் தய்தி விசார்பொடெ3 வேள் தெங்க3ஸொம்மர் ஸதி ஒங்க3டி3 முருகந் நசெ ஸதி நாச் க2ளரியொ மாத3விக் ஸா!

காமுடு3 பெ3டொ அநிருத் தெநொ உஷை மெநந் வாணாஸ{ருடு3 பெ3டிக் கொங்கி களாநா பொ3ல்ஜி தொ2வ்லியெஹால் அநிருத்துக் தெ4ரி காராக்4ரஹமு ஜ2கி தொ2வ்தியாஸ். தெக நிஸ்தார் கரந்ஹோதா3ம் வாணாஸ{ருடு3 நக3ரிம் பா4டாம் லாம்தரீர் பகுலும் து4ங்கி3 மொவ்ஜெ மாத3வொ தந்துர்கந் க2ளெ கொடு3மு நாசு மாத3வி க2ளரிஸ் ஸா!

வாணாஸ{ருடு3 காராக்4ரஹமு ரீ: தெக3 பெ3டாக் நிஸ்தார் கெரந்வேள் காமுடு3 தெக த3ல்லப்பந் ரீ: ஸிங்கி3லி அளிரூபும் காமுடு3 நசெ பே3டி3நாசு மெளி மாத3வி நசரிஸ் ஸா!

ஹ{ப்3பி3யவந் ராகும்ரி:யெ அஸ{ருடு3ந் விஞ்சுää ஸாப்ää கோ3ம்பெ3ää மொண்ட3கோப் ஸோந் ரூப்க2ள்ளி கிலுபு3லய்லேத் ஸேத்தெ ஸீதி ஹீநுஹட்வநும் கெரந் கர்மிநு சல்நிந் ஸெக்குல்நாத்தக் து3ர்காமாய் பொல்கா பாய்ஞ் க4ல்லி த்யே அஸ்கி அம்கி பிஸ்கி மரெ நாசு பல்காபாய்ஞ் நாசு. மாத3வி த்யே பல்காபாய்ஞ் நாசு நசரிஸ் ஸா!

அஸ{ருடு3நு ஜ2க3டு உக்3கு3ர் ஹீந் கெரஸ்திஸொ ஸிங்கா3ர் ஹொயெ பிள்டிரூபும் ஸ்ரீமதி க2ளெ பிள்டி நாசு மாத3வி க2ளரியொ ஸா!

வாணாஸ{ருடு3கெ3 சோ நக3ரிம் உத்தர் த4டாம் த4ரிரும் ஹிப்3பி3 ஜுநத்வாநு குலமு அளி ஸொக3ந் ரூப்க2ள்ளி இந்தி3ராணி க2ளெ கடையநாசு மௌ;ளி ஸா!

ஈ அஸ்கி நாசுந் தெகதெக தோத்கந் க4ல்லந் பூ4ஷாணாந் ஸெந்தொ ஹிப்3ப3ந் நாசுää பி3ஸந் நாசு மெநந் பத்3த3தி ஸ{ட்டுநாஸ்தக் மாத3வி நசெ வியார் நாசுந் ஸா! த்யே நாசுநுக் ஹொயெ ஸங்கீ3து தெக வடாந்வக3ஸ்கி அய்கிலெ! நாசு ஸாஸ்தர்நு பொதிம் ஸங்கெ3 வகா3ந்தா4நு ஸேத்தெ அந்த3ள்ளெ! முல்லொ அமி அவந்வேள் த்யே பூ2லுவநிம்  ஸங்கெ3 த்யே மாத3வி தோ2ரும் அவெ மாத3வி எநோஸ்மெநி தெக ப்ரேமி ஜொவள் ஸங்க3ஸ்.

தெக ப்ரேமிகிந் தெநொ மாத3வி நாசுநஸ்கி ஸீ ஸொம்பு பொந்தி3யாஸ் த்யே மேட் ஹொயெ விஞ்சையந் மெநந் தீ4ருடு3.

ஹிப்3ப3ந் நாசு மெநஸ்தெ ஹிப்3பி3லி நசஸ்தெ. அல்லிய கு3ம்புää ஹாத்தெட்டி நசெ கொடுகொட்டிää ஸதிää கொடு3ம்ää பாண்ட3ரங்குää கு3ஸ்திநாசு மெநந் ஸோ வித3 நாசுந் ஹிப்3ப3ந் நாசு. பி3ஸந் நாசு மெநஸ்தெ பொ4ய்ஞிர் பொடி3 நசஸ்தெ. பு3டு3பு3டு3ää கட3யம்ää பல்காபாய்ஞ்ää பிள்டிரூபுää பே3டிநாசு ஈயஸ்கி பி3ஸந் நாசு.

தே3வலோகு3ர் ரீ: தே3வது3ல்நுந் மௌ;ளி தெங்க கு3ர்த்து கொங்கி களாநாத்த ரா:ஸ்திஸொ வெக்ளரூபும் அவி ஸாந் இந்து3ரு ஸெந்நுகிந்ää த்யேட் மாத3விகெ ஸிங்கா3ர் ஹொயெ நாசுந்ää கீ3து3; ஒண்டெவாட்கந் முஸெஸ். திளதெநு ஸாத்திஸொ மாத3வி ஈ ஸெந்நும்  நசி க3வெயொ ஸீதி கோவலந் ஜுக்கு ரூஸல்ரா:ஸ். மாத3வி தெக3 ரூஸ் திர்சத்தக் வித3ம்வித3ம்கந் ஸிங்க3ர்லி ஸொந்தோஷ் கெரத்தக் யத்தந் கெரஸ்.

தெ3ஸ்ஸ{வித3 மூலிகெ3ந்ää பாஞ்ச் வித3 ஸ{க3ந்தமு பொ4ண்ணமுந் தீஸ{ந் தீ3 வித்ரம் ஹொயெ பநி க4ல்லித்திஸா வஸ{நா பொ4ட