பி3ந்து3லா கெ2நி 

சூரியா ஞானேஸ்வர்

தமிழ் பா4ஷாம் இளங்கோவடிகள் லிக்கெ ப்ரஜாநு காவ்யு சிலப்பதிகாரம். தெல்லெ ஸெளராஷ்ட்ர பா4ஷாம் பெ4ளி ருச்சிகந் வத்தாநும் ஸிங்கார் கெரி அஸ்கி கா3முர் ஸேத்தெ பள்கார் ஜெநுல்நு செவ்தி3 ஸொம்பு பொந்த3ஸ்திஸொ பி3ந்து3லா கெ2நி நாவும் ஸெளரதே3வி பய்ஞ்ந்த3ர் ஸமர்ப்பணொ கெரி மாயிக் பி3ந்து3லொ க4லி கெ4நம் பொந்த3ட3ரியொ. செவ்தி3 ஸீதி துமி தும்ரெ கொ3ம்மா பில்லல்நுக் செவ்தடி3 தெ3க்கடொ. த்ய ஜதொ தும்ரெ ஸிங்க3திந் ஜொவள் ஸங்கி3 தெங்கொமௌ;ளி செவ்தி3 ஸாத்தக் ஹேது கெரொ. 

ஈ பி3ந்துலா கெ2நி ஸெளராஷ்ட்ர பா4ஷாம் லிக்குநொ மெநி மி தமிழ் ஸாஹித்யம் செவ்த3ந் வேளும் மொந்நுபோ4ர் ஹட்விலியெஸ். தமிழ் பா4ஷாம் இளங்கோவடிகள் மெநந் ஸமணமுநி கெரி தி3யெ சிலப்பதிகாரம் மெநஸ்தெ ஈ காவ்யு ஸாதாரணப்ராஜாநுக் தொ2வ்லி கெ2நி ஸங்க3ரிய விதுரம் மொந்நு ஸெந்தொ மிளிகிந் தெல்லெ பாத்ராந் ஜீவ் ஸெந்தொ ஹ{டியவி அம் ஸெந்தொ ஸேத்தெ ஸொக3ந் லக3ய்.

ஏமொ ராஜ்யவாநுநுக் தெ4ரும் ஸங்க3ரியொ விதுரம்ää சரித்ரு ஸமச்சாருந்ää தத்துவமுந்ää ர:ப்தாம் ஜித்ரவும் அவரியொ பிரச்சநாந்ää ஜெநுல்நுக் ஸொந்தோஷ் அவந்வேள் நசி து4ங்கி க3வ்நிந் ஸெர கெரரியொ கூதுந் அஸ்கிதெநு லகிஞ்சத்தெ ஸொகந் ஸேத்தெஹால் மொகொ3 ஸெளராஷ்ட்ர பா4ஷாம் பாயிஞிர் க4ல்லரியொ ஸொம்மு பி3;ந்து3லொ ஹாலிம் மி பி3ந்து3லா கெ2நி மெநி நாவ்க4லி ஸெளரா மாயிக் பய்ந்த3ர் தொ2வரியொ.

பு2ள்ளொ கெரெ கர்மாந் ஸாத்ஜெலுமுக் தெர்மிலி அவய் மெநி மொ:ட்டாந் மெநந். த்யே எல்லெ பி3ந்து3லா கெ2நிம் ஸங்க3ரியொ. ராஜ்யவாநுந் வத்தாம் தெ4ரும் ர:நொ. லலிதம் ர:நொ. சூகுந் நீ:த்தக் ராஜ் ஜல்நொ. சூக் கய்தி ஹொயெத் தெ4ருமு ராட் அவி தெங்க மரய் மெநஸ்தெ ஸெந்தொ பதிவிரதா அளிநுக் மேட் ஹொயெ மொ:ட்டாந் ஸ்ரேஷ்டு பொந்த3ட3ந் மெநி எல்லெ கெ2நி ஸங்கி3லி ஜாரியொ.

திருவள்ளுவர் லிக்கெ திருக்குறள் பு4லகஸ்க அஸ்கி பா4ஷாநும் லிக்கிரியொ ஸொக3ந் ஸங்குராம் ஆர்யாந் ஸ்ரீதுவிந் மெநி திருக்குறள் ஸெளராஷ்ட்ர பா4ஷாம் லிக்கிரியொ மெநஸ்தெ மி எல்லெ கெ4டிம் ஸங்கு3லத்தெமாம் ஹெம்மல் பொள்ளரஸ். ஈ திருக்குறள் ஒண்டெ வியாகரணு மெநெத் தெல்லக ஸாஹித்யுகந் ஸேத்தெ எல்லெ சிலப்பதிகாரம் மெநி மெநுவாய். திருக்குறளும் நீத்தெ கொந்நீஸ் நீ:. ஸாத் வத்தாம் பு4லகஸ்கொ அம்கி தொ2வ்ல்ரியொ. எல்லெ பி3ந்துலா கெ2நிம் மி ஸெளராஷ்ட்ர பா4ஷாம் ஸங்குராம் ஆர்யாந் கெரெ ஸ்ரீது3விநும் ரீ: கோநக் தோத்தொ2வி அவரெஸ் மெநஸ்தெ தெ3க்கட3ரஸ்.

பொ2ர்ங்கி3நு பா4ஷொ ஹொயெ இங்கி3ளீஸ{ம் ஷேக்ஸ்பியர் மெநஸ்தெ கவிந் ஒள நாசுந் லிக்கிராஸ். த்யேதா4நுக் தமிழ் பா4ஷாம் முல்லொ முல்லொ நாசுந் ஸாஹித்யம் மெநி மெல்லஸ்திஸொ ஸேத்தெ எல்லெ சிலப்பதிகாரம் தமிழ் பா4ஷாம் நாசுநு வியாகரணு எமொ ரீ: உருவ்கெர்ரியொ மெநி மௌ;ளொ மெல்லுவாய்.

எல்லெ பி3ந்து3லா கெ2நி பு4லக்கஸ்கொ வியாப்பிஞ்சிலி ஸேத்தெ பள்கார் ஜெநுல்நு செவ்தி3 ஸநொ. மி அநுப3விஞ்செ ஆநந்து – ஸொந்தோஷ் துமி மௌ;ளொ ஸ{க்லுஞ்சுநொ மெநி ஹட்வரியொ ஹாலிம் பெ4ளி லெகு3கந் செவ்த3ஸ்திஸொ வத்தா ரூபும் லிக்கிரியொ. தமிழ் பா4ஷாம் ஸேத்தெ வத்தாந் தெல்லெ அர்த்துந் மர்ச்சாநாஸ்தக் ஸெளராஷ்ட்ர பா4ஷாம் பெ4ளி ருச்சிகந் தீ3ரியொ.

செவ்தி3 ஸவொ. பா4ஷா ருச்சிந் அந்தள்ளுவொ. த4ந்நு.